Hygge
The arrest and incarceration of former President Rodrigo R. Duterte in March was a huge step forward toward accountability and transitional justice in the country. However, much of this year was still characterized by uncertainty and instability. The 2025 national budget was flagged for irregularities and blank items, leading to questions regarding “pork barrel” allocations and a demand for answers surrounding cuts to critical sectors such as education and healthcare.
—Vincent Carlo L. Legara, “2025: The year Filipinos crashed out” (BWorldOnline.com: Blueboard, Dec 9, 2025)
Pahinga na muna, kapatid.
Huminga nang malalim.
Ibuga nang malakas ang hinanakit
Sa bansang sa iyo nakasandig
Gayong ikaw ang huli sa kanyang pagtangi.
Hindi mo kailangang magmura
Gaya ng laman at badya ng balita.
Di kailangang manghina sa sapot ng poot
Ng mga pangulong trinaydor ang iyong tiwala.
Balika ka muna dito at palitan ang punda,
Tapik-tapikin ang unan hanggang umalsa.
Ipagpag ang kumot at plantsahin ng kamay,
Ibaling ang puso sa pusa sa iyong tabi.
Masdan mo ang gaan ng loob sa kanyang mga mata.
Damhin ang tibok ng kaniyang munting puso
Sa iyong dibdib: Ikaw ang mundo niya.
Wala nang iba.
Ikigai
Meanwhile, another chapter in the Marcos-Duterte feud was written through the impeachment of Vice-President Sara Duterte in February. However, the expected trial suffered a series of legal and political setbacks ultimately leading to the barring of impeachment proceedings until February of next year. The 2025 midterm elections, viewed by many as a battleground between the two political camps, reaffirmed the dominance of political dynasties and patronage politics in the Philippine political system despite reformist victories and notable upsets (for example, Cynthia Villar and Gwendolyn Garcia).
—Vincent Carlo L. Legara, “2025: The year Filipinos crashed out” (BWorldOnline.com: Blueboard, Dec 9, 2025)
Huwag mo nang panghinayangan
Ang wala na, gaya ng iyong buwis
Na pinampopondo sa mga sarswela
Ng mga pinunong libo-libo ang sahod,
Bilyon-bilyon ang kurakot, samantalang
Ikaw, dapat lang manatiling mahirap
At nagkakasya sa P500 noche Buena.
Bagkus, balikan ang mga salansan ng kahon
Sa bagong silid: Mahapdi man ang alaala
ng mga nawala, narito silang naisalba
ng iyong lakas, ng pagdamay ng mga mahal
sa buhay, nag-aantay na buksan mo’t linisin.
Mga aklat ng tula at kuwentong di nabalaho sa baha,
Mga regalo na maaring gamitin o ikaridad,
Mga pagkaing hindi napanis sa tagal ng pagkakubli.
Biyaya ang mga ito at milagrong naitabi—sila
Ang naitatabi mong yaman at lakas:
Hindi ka nawalan, napakarami pang madudukot
Na sorpresa, mga kayamanang tigib ng tunay na Ligaya
Nilinis lamang ng baha ang hindi na kailangan:
Sa mga kahong ito, kayang-kaya mong linisin
Ang iyong kapalaran, kayang-kayang ituwid ang tindig
Nang walang maaapakan ni ipis o langgam.
Gokotta
Since “opening the floodgates,” several government officials, including congressmen, senators, Cabinet members, as well as rank-and-file officials have been implicated in the controversy due to conflict of interest or for allegedly having received kickbacks. In addition, many contractors and firms have been heavily scrutinized and blacklisted for their involvement in substandard and “ghost” infrastructure projects.
—Vincent Carlo L. Legara, “2025: The year Filipinos crashed out” (BWorldOnline.com: Blueboard, Dec 9, 2025)
Nilalansi ang iyong pangarap
Ng bilyong-bilyong salaping
Walang mapagtapunan
Milyong-milyong luhong walang
Mapaglakagan: Nakapanghihilakbot
Na silang mambabatas at kongresista
At inhinheryong dapat magligtas sa lahat
Ang naglulubog sa gaya mong walang-wala:
Pumikit nang mariin, gisingin ang dibdib:
Damhin ang preskong hangin o pinong patak ng ulan,
Pakinggan ang tunog ng bawat patak ng butil ng tubig
Sa yerong bubungan, hagipin nag kaluluwa ang huni
Ng ibon mula sa puno ng sampalok o kawad ng kuryente,
Sundan ang kanilang awit papalayo o ang kanilang huning
Kumakandirit sa uamaga, pakinggan ang yapak ng mga pusang
Humahabol sa dahong ligaw, papasok sa bintana, sa iyong silid
Damhin ang halik ng araw sa iyong dibdib, ang magasapang
Na dila ng muning sa iyong pisngi, ang baba at taas ng iyong
paghinga
Ito na ang lahat ng iyong kailangan
Para mangarap at
Magpasalamat
Matagal na silang nilisan ng mga ito
Panghawakan mo
Lahok sa Saranggola Blog Awards 2025
